Waxaa Akhrisatay :490
Laacibka qadka dhexe ee kooxda Real Madrid Luka Modrich ayaa xaqiijiyay in awoodiisa uu isugu geynayo sidii uu u kasban lahaa kalsoonida Jose Mourinho qeybta labaad ee xili ciyaareedkaan , isla markaana xoogga saarayo soo yareynta farqiga dhanka dhibcaha ah ee u dhaxeeya Madrid iyo Barcelona.

 
Kubad sameeyahaan oo horay ugu ciyaari jiray Tottenham ayaa tan iyo markii uu yimid Real 8-ciyaar kaliya ayaa lagu soo bilaabay , waxa uuna haatan sheegayaa in uu awood u leeyahay in kooxda wax weyn uu u qabto inkastoo ra`yi aruurin laga qaaday taageerayaasha Real ku tilmaameen in Luka yahay hishiiskii ugu xumaa ee Real gasho .

Mar wax laga weydiiyay sida ay u adag tahay in boos asaasi uu ka helo Real maadama ay joogaan laacibiin qadka dhexe ah sida Alonso , Ozil iyo Sami Khadira ayuu laacibkaani lagu keenay 37-milyan ee euro yiri ” la qabsashada koox weyn waa adag tahay anna ma ihi dadka dooda badan , kooxdaan waa Real waan fahmaaya in uu jiro cadaadis weyn oo laacibinta ku cusub kooxda oo ku aadan in boos asaasi ah ka helaan kooxda.